|
Huolevil huondeksuzil
Jogo sit tiälgi kai kondien talljat
On oldu viikon jovvuksis
Vai hiihtäjil on mävystät vällät
Vai suksisavakot on kavoksis?
Muatatgo velli kui enne vahnas
Luajimmo čuppoi kivyzil?
Nygöi myö iče
Kui počit pahnas…
Meid et sua muite vai lekkehil…
Puuttuugo muamo pestäkseh vedyzii…
Vedrehil vedyzil vai omil kyynelil…
Muuttuugo kajal varoiksa merivedyzil…
Musteltes aigol endizii huotovil huondeksuzil
Jogo sit tiälgi suus ainos muigei
on magien syödyy suutuksis?
Riähkät räččinäs dai hurstis huigei
Harpates piäliči pienembäzis
Hyllätty el ole huoattu
Počči gu evähät söi
Brihal opastumah matkates
Oman järien piän selnäh löi
Kulkkuh viinua kallates
Neičykkäine eulluh parembi
Virššizen ku jätti avvoi
Yheksän kuun peräs koroi
En ia tiljä mis puus urbua kirboi valehteli
Ei kuurnehen papin tähte
Kelloloi hallata
Hyllätty ei ole huilattu
Jalloilleh oltet ei muah tallata
Počči gu evähät söi
Ukol nuorih nalzih mennes
Oman plieššipiän seinäh löi
Omua nuomttu musteltes…
Akku rašk ei olluh parembi
Voibi sanuo ga mieletöi
Suur on paha, ga pieni on – vähä
Koroi sit midä sylgi suuh toi
Kehnon kegälehen oza
Tahtonen, ga lähten kunne-tahto
Kehtannen, ga kiänyn järilleh
Himo ollou, kačahtammos tiähtih
Olen moine kehnon kegäleh…
Parembi pyy käls gu kaksi oksai
El kai kalat ole kattilas
Sendäh omas ičes pagoh juoksen
Ei kai ilmat ole ikkunas
Sinuu en kuule
Ulvon vai tuuleh
Järilleh ei kajahtai
Maguan tyynel
Sit sovvan tuulel
Ga riehtil ei rängähtäi
ei pihise
Kehnon kegälehen nenä vedäy
Sinne kunne očču ozuttau
Toizel ptanlettazel mieli lendäy
Konzu vaččua vyöl klnitän
Hukku da kotku
Tyhjä pellol talvihangel
Yksinäen hukan jälgii
Ei näi kotkoi novvittajes
Lumikanoi taivahas
Hukku juoksou, lendäy kotku
Nägemättäh toine tostu
Veren himo ajau matkah
Tyhjäl pellol varuamattah
Juoksou… lendäy…
Kyläs nägyy kynnen moine
Kois ei nävy kondien moine
Mies tutah tulendas
En yksikai tuakse päi kačahtai
Ken ollou tiel, čurah vai myöstäi
Gu tulendas mies tutah
Astundas arvatah
Ga mindäh čomat tytöt varatah
Ongo lagi vai taivas
Ylähän pahan brihan piäi ainos tiel…
Ongo helmas vai kalmas
Oza parembi nuorel miehel…
En vierahih val'lahih rahkistai
Ken igenii irvistäy
Ga leugah vai…
Sit lyöndäs mies tutah
Perrandua varatah
Dai nagrajen sit kalmah kaimatah…
Vajočču suo
Terveh synnyinmua!
Sinä kiškoit minul kaiken
Sinä olet nygöi kui se kudzoimätäs
Ylähän huruat – alahan oigiet
Muidu nägemäh et ole rakas…
Egläi, tänäpäi, huomei on paha
Täh voibi kebjiesti harjavuo
Proletuarii mängyy – lihua on vähä
Elos on kui vajočču suo
Vajočču suo…
Voi kenbo kuvai tämän kumman "valgien yön"
Ken kačoi tädä nägemättäh
Ken nägi tämän ka omattah?
Voi kenbo kuvai tämän kumman
Ken maksoi sattanal sen summan?
Ken kačoi tädä nägemättäh
Ken nägi tämän kaččomattah?
Silmis vihmuu čipettäy
Muailmu ymbäri on čiiruzil
Piäs – čahlou, suus – liädäy
Voi kui mattii panna himoittau
Vikse midä lienen duumainnuh
Duumil vallan andanuh…
Parembi on ruveta longamah
Dai endizen jytyi elämäh
Vajo u suo…
Miero vuotti
Miero vuotti uutta kuuda
Kylä päiväžen noužendoo
Mie vain vuotin veijoistani
Veijo tuli vezi läikky
Miero vuotti minnjaistani
Minnja tuli mägi notku
Nouže ilmain noštamatta
Ylene ylendämättä
Nuori siun on noštajane
Vihandane ylendäjäne
Polle jalgane pordahalla
Štob ei porraš poikki mänis
Tabua toine tanderella
Jottei tanner tajahtais
Pane siivyt sizelihe
Kunne pölyni pölähtäyve
Sillä siibyöllä šiibuollat
Eigo ole huigei
Minul käit on kormanilois
Tälleh kävelen
Kävelen vai lennän velli
lče tiijä en…
Sinul käzi šižälis on
Hibjua kuavičet…
Minuu matkalastu matkit
pihas rammičet
Eig' ole huigei, ga kynnys on korgei
Eig' ole huigei, ga kyynel on kargei
Minä lähten suureh mieroh
Loitos matkuamah
Akan itkuh, hevon higeh
Väzyin kaččomah
Oletgo jo velli iččes
Piäl suuttunuh
Helmah jiät hykkämäh
G' et matkah ruohtinuh…
Eig' ole huigei, ga kynnys on korgei
Eig' ole huigei, ga kyynel kargei
Taloi salos (mp3)
Saloh taloin salvoin
Ga uksigi ulvoi
Perttih päčin panin
Da väzyksis uinoin
Undu näin kui lapsembaite kazvoin
Pienembäite paimenis valvoin
Ei pieni silmy ole sogei
Ei suuri nenä ole jygei
Ei ruven jälgi ole kibei
Ei viäry suuhut ole abei…
Yökse meččäh menin
Ga yksin sie yöksyin
Talukset puistaldin
Dai tiešuaral sit puutuin
Lindu jadoin ualpäi yläh lendi
Kuavuin mualoil kaunehil
Dai sit ellendin
Ei pieni silmy ole sogei…
|
