|
Mustas kois (mp3)
Minun mustas kois tuohus pieni kydöy
minus ymbäri pimevys verkkoloi kudou
en voi paeta – kuulen kaikkiel
pajon sen, omal kielel,
kudai pajattamattah jäi
sen pajon kerran vai
unis kuunella sain
Mejjän kielel ruuhtu
valmistetah jo ammui
erähil rinnas vieron kyven jo sammui
ruuhtu kannetah kavonnuot
tyrmäs tyhjän täh istunnuot
lapset, kielen unohtanuot
on häi tottu tämä kai
sidä puaksuh näin
Tottu todistu etsies kieldy tahkotah hyvin
etsijäl sydämes ei sammu hyvyön kyven
ziäli vähä jäi moizii miehii
ket maltettas astuo oigieh päi
kielen surmal sanottas – myöstäi
moizii harvah vai elajjas näin
Tijjän mejjänmoizii löydyy äjjäl
hyö tulen ker etsitäh keskivpäiväl
sobuu igästy, tottu todistu
no pagei loitokse tozi se
kudai etsimättäh jäi
sen toven sanat kerran vai
unis kuunella sain
Sanasto:
tuohus: kynttilä
pajattamattah (pajattua): laulaa
ruuhtu (ruuhi): arkku
ammui: kauan sitten
vieron (viero): usko
hyvyön: hyvyyden
kyven: kipinä
kavonnuot (kavonnuh): kadonnut, kuollut
tyrmä: vankila
puaksuh: usein
tottu todistu: totista totta
ziäli: sääli
oigieh päi: suoraan
myöstäi (myöstiäkseh): häipyä
elajjas (eloaigu): elämä
äjjäl: paljon
ker: kanssa
sobu: sopu
igästy (igäine): ikuinen
pagei (paeta): paeta
loitokse: kauas
kudai: joka
|
Lykyn peräh (mp3)
Sinä menit, kunne kaikin astuttih
sinne, kunne käskiettih
sinun nimie harvah mainittih
et ni smiettinyh kodvakseg' on tämä kai
juoksit mujjen mugah lykyn peräh vai
Nygöigi valmis olet astumah
hosgi mennyöt vuvvet mieldy painetah
otselles harjavuit kielastamah
se on nero dai sudre on tämä kai
juokset mujjen mugah lykyn peräh vai
Vai konzu havatsut kesken undu
ken lienöy tulou silmien edeh
hänen käzi sinun kaglas jo tunduu
buite upotetah sinuu vedeh
Metsät dai vuarat seizotah kui seizottih
jovet virratah mereh kui virrattih
et vai ellendä – mindäh sinun tagan uksi salvattih
sinä et ole ni miksenäh
juokset neron mugah jo yksinäh
Lindu lendäy kuni siivet kannetah
voibi olla sinun lykyn lindu ammutah
musta se kui vahnu rahvas sanotah –
ammutun linnun höyhenis
hyvä jyvä kasvakkah
vihan siemen älgäh idäkkäh
Sanasto:
lykyn (lykky): onni
kodvakseg' (kodvakse): kauan
nygöigi: nyt
hosgi: vaikka
harjavuit (harjavuo): tottua
kielastamah (kielastua): valehdella
nero: tapa
dai: ja
sudre: turhaan
konzu: kun
undu (uni): uni
buite: niin kuin
et ellendä (ellendiä): ymmärtää
mindäh: miksi
uksi: ovi
et ole ni miksenah: moinaskaan
|
